„ნაპოლი“ ხვიჩა კვარაცხელიასთან კონტრაქტს გაახანგრძლივებს. ამის შესახებ იტალიური მედია კიდევ ერთხელ წერს.

ამჯერად ინფორმაციას Gazzetta Dello Sport-ი და Mediaset-ი ავრცელებენ. ხვიჩა დათანხმდა ახალი კონტრაქტის 2028 წლის ზაფხულამდე განახლებას და ბონუსების ჩათვლით სეზონში 3 მილიონ ევროს მიიღებს. მოსალოდნელია, რომ ინფორმაცია მიმდინარე ზაფხულს ოფიციალურად დადასტურდება. აღსანიშნავია, რომ განახლებული ხელფასით კვარა ვიქტორ ოსიმენის, ირვინგ ლოზანოსა და პიოტრ ჟიელინსკის შემდეგ "ნაპოლიში" ყველაზე მაღალანაზღაურებადი ფეხბურთელი იქნება.

ხვიჩა კვარაცხელიას „ნაპოლისთან“ კონტრაქტი ამჟამად 2027 წლის ზაფხულამდე აქვს გაფორმებული და სეზონში 1.2 მილიონ ევროს გამოიმუშავებს.