საფრანგეთის ნაკრების თავდამსხმელი მარკუს ტურამი მიმდინარე ზაფხულს „გლადბახს“ დატოვებს, თუმცა ჯერ უცნობია სად გააგრძელებს კარიერას.

იტალიური მედიის ინფორმაციით, ფრანგს „მილანი“ და „პარი სენ ჟერმენი“ იწვევს. ცხადია, „როსონერისა“ და პარიზულ გუნდს შორის ეკონომიკური პოტენციალის დიდი განსხვავებაა, მაგრამ მარკუსს ჯერ არ გადაუწყვეტია, სად წავიდეს.

საქმე ისაა, რომ ტურამი პსჟ-ში ჯერ კიდე ელოდება ახალი მწვრთნელის დანიშვნას, რათა გუნდში თავისი როლი დააზუსტოს, ხოლო „მილანში“ იცის, რომ ერთ-ერთი მნიშვნელოვანი ფუნქცია ექნება.

25 წლის მარკუს ტურამი, რომელიც ლეგენდარული ლილიან ტურამის შვილია, „გლადბახში“ 2019 წლიდან თამაშობდა და 134 შეხვედრაში 44 გოლი გაიტანა. მანამდე ის „სოშოს“ და „გენგამის“ წევრი იყო.