„ნაპოლის“ სპორტულ დირექტორ კრისტიანო ჯუნტოლისა და პრეზიდენტ აურელიო დე ლაურენტისს შორის, როგორც ჩანს, სამუშაო კომუნიკაცია აღარ არსებობს.
იტალიური მედიის ინფორმაციით, რუდი გარსიას მწვრთნელად დანიშვნაში ჯუნტოლის არავითარი წვლილი არ შეუტია, უფრო მეტიც, ამის შესახებ არაფერი იცოდა. როგორც ირკვევა, ჯუნტოლიმ ეს ინფორმაცია პირდაპირ დე ლაურენტისის ტვიტერში გამოქვეყნებული პოსტით გაიგო.
ჯუნტოლის „იუვენტუსი“ ეპატიჟება და დიდი ხანია ტურინულ გრანდში წასვლას ცდილობს, მაგრამ მას დე ლაურენტისი ჯერ არ ათავისუფლებს, რადგან კონტრაქტი ნეაპოლურ გუნდთან კიდევ ერთი წელი აკავშირებს. ამის მიუხედავად, როგორც ჩანს, დე ლაურენტისი სამუშაო პროცესში კრისტიანოს არ რთავს.
შეგახსენებთ, რომ კრისტიანო ჯუნტოლიმ ერთი წლის წინ „ნაპოლიში“ ხვიჩა კვარაცხელია გადაიბირა.
