ხორვატიის ნაკრების მთავარმა მწვრთნელმა, ზლატკო დალიჩმა, უეფას ერთა ლიგის ნახევარფინალში ნიდერლანდების ეროვნულ გუნდთან გამარჯვრების შემდეგ (4:2), გაიხსენა, რომ მის გუნდს დიდ ტურნირებზე ვერცხლის და ბრინჯაოს მედლები მოუპოვებია, მაგრამ არასოდეს გაუმარჯვია.

„გილოცავთ ბიჭებო. ეს სრულიად ხორვატიის გამარჯვებაა. ნიდერლანდების ნაკრების საკუთარ მოედანზე 4:2 დამარცხება დიდი წარმატებაა. კიდევ ერთი მედალი გვექნება. ჩვენ ამას ვიმსახურებთ. ეს ხორვატიის ნაკრების ერთ-ერთი მთავარი გამარჯვებაა. არადა, თავიდან ვაგებდით.

არ აქვს მნიშვნელობა, ვისთან ვითამაშებთ ფინალში. ჯერ ცოტას ვიზეიმებთ, მერე კი მცირედს დავისვენებთ. მეტოქე ყველა შემთხვევაში ძლიერი იქნება, მაგრამ მნიშვნელოვანია მხოლოდ ხორვატია. ოქროს მედლებისკენ მივდივართ. ეს ერთადერთია, რაც არ გვაქვს: დიდ ტურნირებზე ვერცხლი და ბრინჯაო მოვიპივეთ. ახლა ოქროს მედლების მოგებას ვაპირებთ.“ - ციტირებს დალიჩის სიტყვებს უეფას ოფიციალური ვებ-გვერდი.

ფინალში ხორვატია ესპანეთი - იტალიის წყვილის გამარჯვებულს შეხვდება 18 ივნისს.