ერთწლიანი პაუზის შემდეგ „კალიარი“ სერია A-ში დაბრუნდა. სარდინიელებმა სერია B-ს პლეი-ოფის ფინალში „ბარი“ ორი მატჩის ჯამში 2:1 დაამარცხეს.

პირველი შეხვედრა სარდინიაზე 1:1 დასრულდა, დღეს კი, „ბარის“ „სან ნიკოლაზე“ 60 000 გულშემატკივარი ამხნევებდა, თანაც ფრე ხელს აძლევდა, რასთანაც ძალიან ახლოს იყო: 94-ე წუთამდე ტაბლოზე ნულები ეწერა, მაგრამ მსაჯის მიერ მე-4 კომპენსირებულ წუთზე ლეონარდო პავოლეტიმ „კალიარი“ სერია A-ში დააბრუნა. აღსანიშნავია, რომ პავოლეტი თამაშში 89-ე წუთზე ჩაერთო.

ცნობისთვის, სარდინიულ გუნდს კლაუდიო რანიერი ავარჯიშებს. მან "კალიარი" მეორედ გადაიყვანა სერია A-ში, პირველად 33 წლის წინ, 1990 წელს! „ბარი“ კი ძალიან ახლოს იყო სერია A-ში პირველად დაბრუნებულიყო 2011 წლის შემდეგ, თანაც გასულ სეზონში ეს გუნდი სერია C-დან სერია B-ში გადავიდა, ახლა ზედიზედ მეორე აღზევებამდე წამები დააკლდა.

აქვე გეტყვით, რომ „ბარის“ მფლობელი „ნაპოლის“ პრეზიდენტი აურელიო დე ლაურენტისია. მას და მის ოჯახს „ბარის“ ელიტაში დასაბრუნებლად მომდევნო სეზონში მოუწევთ ბრძოლა.