თურქეთის ნაკრების ფეხბურთელი და „ფეიენოორდის“ კაპიტანი ორკუნ კოკჩუ „ბენფიკაში“ გადავიდა.

22 წლის ფეხბურთელმა „არწივებთან“ კონტრაქტი გააფორმა, მისი ტრანსფერი კი 25 მილიონი ევრო დაჯდა. მან ენცო ფერნანდესი უნდა შეცვალოს, რომელიც „ჩელსიში“ იანვარში გადავიდა.

კოკჩუ „ფეიენოორდის“ აღზრდილია და 2018 წლიდან დღემდე 175 მატჩში 32 გოლი გაიტანა. თურქეთის ნაკრებში მის აქტივში 20 თამაში და 2 გოლია.