ყაზახეთის ქალაქ შიმკენტში მიმდინარე 10-ათასიანი საერთაშორისო ტურნირი ქართველ ჩოგბურთელთა გარეშე გაგრძელდება.

შეგახსენებთ, რომ ქალთა ტურნირის ნახევარფინალში სოფო ქვაცაბაია იყო გასული, თუმცა, კვალიფიკაციის ერთ-ერთ გამარჯვებულ – რუს სოფია ჟუკთან 0:6, 4:6 დამარცხდა. ეს უკანასკნელი ფინალში თანამემამულე ლარგარიტა ლაზარევას გაეჯიბრება, რომელიც პირველ ნომრადაა განთესილი.

ვაჟების წყვილთა შეჯიბრის ფინალში შეემთხვა წარუმატებლობა ალექსანდრე მეტრეველს. მან და ბულგარელმა ალექსანდერ ლაზოვმა პირველი რეიტინგის მქონე ესპანელ ლოეს-ხაენთან და ინდოელ ნედუნჩეჟიანთან 3:6, 3:6 წააგეს.