მსოფლიო საერთაშორისო ფედერაციის (ფიდე) და საქართველოს ჭადრაკის ფედერაციის ორგანიზებით, ბათუმში, ჩემპიონთა მატჩი გაიმართება.

ერთმანეთს დაუპირისპირდებიან საქართველოსა და უკრაინის ეროვნული გუნდების წევრები, მსოფლიოს ტოპ-მოჭადრაკეები: მერი არაბიძე - ნინო ბაციაშვილი და ანა მუზიჩუკი - მარია მუზიჩუკი.

ასპარეზობა 7 დღეს გაგრძელდება;

თამაშები გაიმართება: 5,6,7,9,10,11 ივნისს, 8 ივნისს მონაწილეები დაისვენებენ.

მერი არაბიძე (2441; 25.02.1994)

ევროპის მოქმედი ჩემპიონი ქალთა შორის;

მსოფლიოს 2015 წლის გუნდური ჩემპიონატის გამარჯვებული საქართველოს ნაკრების შემადგენლობაში;

საჭადრაკო ოლიმპიადების მრავალგზის პრიზიორი საქართველოს ნაკრების შემადგენლობაში;

ევროპის და მსოფლიოს გუნდური ჩემპიონატის პრიზიორი საქართველოს ნაკრების შემადგენლობაში;

ახალგაზრდული მსოფლიო და ევროპის ჩემპიონატების მრავალგზის გამარჯვებული;

ნინო ბაციაშვილი (2467; 01.01.1987)

მსოფლიოს 2015 წლის გუნდური ჩემპიონატის გამარჯვებული საქართველოს ნაკრების შემადგენლობაში;

ევროპის ჩემპიონატის მრავალგზის პრიზიორი ქალთა შორის;

საჭადრაკო ოლიმპიადების მრავალგზის პრიზიორი საქართველოს ნაკრების შემადგენლობაში;

ევროპის და მსოფლიოს გუნდური ჩემპიონატის პრიზიორი საქართველოს ნაკრების შემადგენლობაში;

პირველი ქალი მოჭადრაკე რომელმაც სატურნირო პარტია ყაიმით დაასრულა მოქმედ მსოფლიო ჩემპიონ, მაგნუს კარლსენთან;

მარია მუზიჩუკი (2515; 21.09.1992)

მსოფლიოს ჩემპიონი ქალთა შორის - 2015-2016წ.

მსოფლიოს საჭადრაკო ოლიმპიადის გამარჯვებული უკრაინის ნაკრების შემადგენლობაში;

საჭადრაკო ოლიმპიადის პრიზიორი უკრაინის ნაკრების შემადგენლობაში;

ევროპის და მსოფლიოს გუნდური ჩემპიონატის პრიზიორი უკრაინის ნაკრების შემადგენლობაში;

ანა მუზიჩუკი (2504; 28.02.1990)

მსოფლიოს მრავალგზის ჩემპიონი ქალთა შორის სწრაფ და ელვისებურ ჭადრაკში;

საჭადრაკო ოლიმპიადის პრიზიორი უკრაინის ნაკრების შემადგენლობაში;

მსოფლიოს საჭადრაკო ოლიმპიადის გამარჯვებული უკრაინის ნაკრების შემადგენლობაში;

ევროპის და მსოფლიოს გუნდური ჩემპიონატის პრიზიორი უკრაინის ნაკრების შემადგენლობაში.

სოფო ნიკოლაძე