მოსკოვის „ლოკომოტივის" ყოფილი მწვრთნელი, იური სიომინი, „ნაპოლის" ქართველი გარემარბის, ხვიჩა კვარაცხელიას სერია A-ში სეზონის საუკეთესო ფეხბურთელად აღიარებას გამოეხმაურა.

„იტალიის ლიგის საუკეთესო ფეხბურთელობა დიდი მიღწევაა. ეს არის უმაღლესი დონე. ხვიჩამ ტიტული დაიმსახურა, რადგან ყველა მატჩში ბრწყინვალედ ითამაშა, „ნაპოლიში“ ძალიან მნიშვნელოვანი მოთამაშეა. ამდენი გოლი და პასი, მარცხენა თავდამსხმელის პოზიციაზე - მხოლოდ ნიჭიერ ადამიანებს შეუძლიათ ამის გაკეთება.

ყოჩაღ. ხვიჩა მოვიდა და ნიჭი ყოველდღიური შრომით განავითარა. ის არის მშრომელი ადამიანი, რომელსაც უყვარს მუშაობა კლუბის სასარგებლოდ. მას აქვს საკუთარი მიზანი და აღწევს მას. ამ ეტაპზე კი მან საოცარ წარმატებებს მიაღწია. ”- ციტირებს სიომინის სიტყვებს championat.com.

მიმდინარე სეზონში კვარაცხელიამ „ნაპოლის“ მაისურით იტალიის ჩემპიონატში 33 მატჩი ჩაატარა, 12 ბურთი გაიტანა და 10 საგოლე გადაცემა შეასრულა.