„სევილიას“ მთავარმა მწვრთნელმა ხოსე ლუის მენდილიბარმა ევროპა ლიგის ფინალში „რომასთან“ მატჩის წინ კომენტარი გააკეთა. როგორც მან აღნიშნა, მისი გუნდი შეტევაზე ფიქრობს, ხოლო „ჯალოროსი“ მხოლოდ დაცვაზე.

„დარწმუნებული ვარ, რომ კარგად ვითამაშებთ. მეც და მოურინიოც ვიმსახურებთ ფინალში ყოფნას, ორივეს ჭაღარა გვაქვს და ადვილი არცერთისთვის არ იქნება. ვინაა ფავორიტი? ამაზე არ ვფიქრობ, არ აქვს მნიშვნელობა. „რომა“ თავს კარგად იცავს, დაცვაში ბევრი პრობლემა არ აქვს, ჩვენ კი შეტევას ვცდილობთ. მნიშვნელოვანი იქნება შეცდომების თავიდან არიდება, რადგან ამის გამო შეიძლება დავისაჯოთ“, - თქვა მენდილიბარმა.

შეგახსენებთ, რომ „სევილიას“ ევროპა ლიგა (უეფას თასი) ექვსჯერ აქვს მოგებული, რაც რეკორდია.

სევილია-რომას მატჩი დღეს, თბილისის დროით 23 საათზე დაიწყება.