ჭადრაკი

19:16 | 27.05.2023 | ნანახია [] - ჯერ

IlmioNapoli: „საქართველოს შეუძლია იამაყოს თავისი ორი კუმირით“

იტალიურმა გამოცემა IlmioNapoli-მ ნეაპოლში ორი წარმატებული ქართველი სპორტსმენის, ხვიჩა კვარაცხელიასა და ნონა გაფრინდაშვილის შეხვედრის შესახებ დაწერა:



„საქართველომ ნეაპოლში ორი სპორტული ტუზი ჩაიყვანა: ხვიჩა კვარაცხელია და ნონა გაფრინდაშვილი. პირველი „ნაპოლის“ 22 წლის თავდამსხმელია, იტალიის ახალი ჩემპიონი, ახალი მარადონა, უფრო სწორად, კვარადონა, როგორც მას აძურის გულშემატკივრებმა შეარქვეს. მეორე არის ჭადრაკის ლეგენდა, ერთ-ერთი უდიდესი მოთამაშე, რომელიც ოდესმე უცხოვრია. ასე რომ, ხვიჩას ოჯახის წევრებმა ცნობილ ჩემპიონს ნეაპოლში, ოჯახთან ერთად, „ინტერთან“ გამართულ ბოლო საშინაო მატჩზე უმასპინძლეს.


მიუხედავად იმისა, რომ ჭადრაკი საქართველოში ძალიან პოპულარული თამაშია, სადაც მას დაწყებითი სკოლიდანვე ასწავლიან, კვარას ის არც ისე კარგად გამოსდის. მან აშკარად იცის სვლები და თამაშიც შეუძლია, მაგრამ არა ისეთი ვნებით, როგორიც მრავალგზის ჩემპიონ ნონას. მას ბურთით თამაში ბევრად უკეთ გამოსდის. „დიახ, ჯობია ყველამ საკუთარ სპორტს მიხედოს“, - განაცხადა გაფრინდაშვილმა. შეხვედრა საინტერესო გამოდგა, რადგან ქართული სპორტის ორი ნამდვილი კერპი დაუპირისპირდა ერთმანეთს. ხვიჩამ მადლობა გადაუხადა ქალბატონ ნონას იტალიაში ჩასვლისა და მხარდაჭერისთვის.


გაფრინდაშვილი მსოფლიო ჩემპიონი პირველად, 21 წლის ასაკში, 1962 წელს გახდა და ის 1978 წლამდე იცავდა ტიტულს (მაშინ საბჭოთა კავშირის ფერებში). აღსანიშნავია, რომ იგი დღესაც ასპარეზობს, 82 წლის ასაკში. კარიერაში მან 12 საჭადრაკო ოლიმპიადის 25 მედალი მოიპოვა და, უპირველეს ყოვლისა, ის იყო პირველი ქალი, რომელმაც მოიპოვა დიდოსტატის წოდება, რაც იმ დროს რუსეთში სულაც არ იყო მარტივი. მიუხედავად ასაკისა, გაფრინდაშვილმა ისარგებლა ნეაპოლში ყოფნით და მოინახულა ისტორიული ნაგებობები, შემდეგ კი ნეაპოლელ მოჭადრაკეებს შეხვდა. იგი ერთდროულად ეთამაშა 13 მოთამაშეს.

Netflix-მა მისი შთაგონებით სერიალი „ლაზიერის გამბიტი“ გადაიღო, თუმცა იქ იყო პატარა სკანდალიც უზუსტობების გამო, მათ შორის ის, რომ ნონას ბიჭებთან არასდროს უთამაშია. საქართველოს შეუძლია იამაყოს თავისი ორი კუმირით. ისინი შეხვდნენ ნეაპოლში, იტალიის ჩემპიონ ქალაქში და სადმე სხაგან.

სარეკლამო ადგილი - 13
120 x 600
სარეკლამო ადგილი - 15
120 x 600
0.115315