„სამგურალს“ 9-მატჩიანი წაუგებელი სერია ჰქონდა, რომლის განმავლობაში ზედიზედ 8 თამაშიც მოიგო, მაგრამ ეს ბრწყინვალე სერია დასრულებულია.

გიორგი ჭელიძის გუნდი „საბურთალოსთან“ 1:5 განადგურდა! მეორეს მხრივ, თუ წყალტუბოელები იყვნენ კარგ ფორმაშია, არანაკლები ითქმის „საბურთალოზე“, რომელმაც ზედიზედ მესამე თამაში მოიგო და 32 ქულით ამ მომენტისთვის სწორედ „სამგურალსა“ და „დინამო ბათუმს“ სატურნირო ცხრილის სათავეში გაუტოლდა.

ომარ თეთრაძის გუნდმა ტაიმი ლევან ნონიკაშვილის გოლით მოიგო, მეორე ნახევარში კი უშეცდომო ფეხბურთი ითამაშა, რომელშიც 4 გოლი გაიტანა და საბოლოოდ, კონკურენტი გაანადგურა.

ამრიგად, „სამგურალის“ წაუგებელი სერია შეწყდა, ხოლო მომდევნო ტურში „დილას“ დაუპირისპირდება. „საბურთალოს“ კი „თელავთან“ მატჩი ელოდება.

„საბურთალო“ – „სამგურალი“ 5:1 (1:0)

გოლები: 1:0 ნონიკაშვილი (25), 2:0 სილა (57), 3:0 ჯინჯოლავა (71), 4:0 სილაგაძე (84), 4:1 ჩიხრაძე (88), 5:1 ციცქიშვილი (90)