ფეხბურთი

18:25 | 22.05.2023 | ნანახია [] - ჯერ

სამივე ევროტურნირის ფინალის მსაჯები ცნობილია

ჩემპიონთა ლიგის ფინალს შიმონ მარჩინიაკი განსჯის. უეფამ სამივე ევროთასის ფინალის მსაჯების ვინაობა დაასახელა.

მარჩინიაკი კარიერაში პირველად იქნება ჩემპიონთა ლიგის ფინალის მთავარი მსაჯი, თუმცა 2018 წელს ფინალში მეოთხე მსაჯის ფუნქციას ასრულებდა. 2022 წლის ბოლოს მან მსოფლიოს ჩემპიონატის ფინალიც იმსაჯა არგენტინისა და საფრანგეთის ნაკრებებს შორის.

პოლონელმა ჩემპიონთა ლიგის მიმდინარე სეზონში 8 შეხვედრა განსაჯა, მათ შორის ორი „ინტერის“ მონაწილეობით „ბარსელონასა“ და „პორტუსთან“, ხოლო ერთი „მანჩესტერ სიტის“ „რეალის“ წინააღმდეგ. ინგლისელებმა ეს თამაში 4:0 მოიგეს, ხოლო იტალიელებმა მარჩინიაკოს მსაჯობით ორჯერვე ფრე ითამაშეს - „ბარსელონასთან“ 3:3 და „პორტუსთან“ 0:0.

შიმონ მარჩინიაკმა იმსაჯა „ნაპოლი“ – „მილანის“ (1:1) მეოთხედფინალიც, რომელშიც ხვიჩა კვარაცხელიამ პენალტი ვერ გაიტანა.

ევროპა ლიგის ფინალს „სევილიასა“ და „რომას“ შორის ინგლისელი ენტონი ტეილორი განსჯის, ხოლო კონფერენს ლიგის ფინალს „ვესტ ჰემსა“ და „ფიორენტინას“ შორის ესპანელი კარლოს დელ სერო გრანდე იმსაჯებს.

აქვე გეტყვით, რომ „მანჩესტერ სიტისა“ და „ინტერის“ მონაწილეობით ჩემპიონთა ლიგის ფინალი 10 ივნისს სტამბოლში გაიმართება.

სარეკლამო ადგილი - 23
250 x 500
0.116556