ვეტერანმა ბრაზილიელმა ფეხბურთელმა ამანტინო მანსინიმ „ნაპოლისა“ და ლუჩანო სპალეტის შესახებ ისაუბრა. როგორც მან თქვა, ახლანდელი „ნაპოლის“ მანსინი ხვიჩა კვარაცხელიაა, მაგრამ ის ფიქრობს, რომ ქართველზე ძლიერი იყო.

„ვინ არის ამ „ნაპოლის“ ამანტინო მანსინი? კვარაცხელია! მას აქვს მართლაც მნიშვნელოვანი ტექნიკური უნარები, მიუხედავად იმისა, რომ მე ქართველზე ბევრად ძლიერი ვიყავი.

სპალეტი? ვფიქრობ, ის ახლა ბევრად უფრო მშვიდი მწვრთნელია, ვიდრე იყო. ლუჩანომ „ნაპოლიში“ განსაკუთრებული სამუშაო შეასრულა და ისტორიული მიზნის მიღწევა მოახერხა. მე მას ყოველთვის მივიჩნევდი თავისი თაობის ერთ-ერთ საუკეთესო მწვრთნელად და შემიძლია ვთქვა, რომ დამსახურებული შედეგია იმისთვის, რაც წლების განმავლობაში აჩვენა და მის გამო ძალიან ბედნიერი ვარ. მას ბევრად ადრეც შეეძლო წარმატების მიღწევა, „რომაშიც“ 4 შესანიშნავი სეზონი ჰქონდა“, - თქვა მანსინიმ.