ფეხბურთი

12:19 | 19.05.2023 | ნანახია [] - ჯერ

ჟოზე მოურინიო: "რომა" რაღაც განსაკუთრებულს იმსახურებს"

„რომას“ მთავარმა მწვრთნელმა ჟოზე მოურინიომ „ლევერკუზენთან“ ფრისა (0:0) და ევროპა ლიგის ფინალში გასვლის შემდეგ კომენტარი გააკეთა. როგორც მან თქვა, საოცარი გუნდის მწვრთნელია, რომელიც რაღაც განსაკუთრებულს იმსახურებს.

„რომა“ ჩემი გუნდია და ამით ვამაყობ. სმოლინგი რომ გვყოლოდა სათადარიგო სკამზე, ალბათ ფინალში ვერ გავიდოდით. ბოვე ერთი წლის წინ ხელოვნურ მოედანზე თამაშობდა და ახლა აქ არის, დღეს, მარჯვენა მცველად ითამაშა, რაც მისი პოზიცია არ არის. ისინი არიან ბიჭები, რომლებიც ყველაფერს აკეთებენ.

ფინალი, ეს არის ჩვენი შრომის, გამოცდილების, ტაქტიკური სიბრძნის შედეგი. ეს მართლაც საოცარი გუნდია, ეს ბიჭები, რაღაც განსაკუთრებულს იმსახურებენ და „რომას“ ფანებს მივმართავ, რომ ისინი დააფასონ, როცა ორშაბათს ტრიგორიადან სტადიონზე წავალთ.

„იუვენტუსი“ გავარდა? სამი ევროთასის ფინალში სამი იტალიური გუნდია, ეს შესანიშნავი შედეგია. ჩვენთვის, „სევილია“ იქნებოდა თუ „იუვე“, ორივე ძლიერი გუნდია. „სევილია“ ძლიერია, გამოცდილება აქვს და ჩვენთვის რთული იქნება, მაგრამ ამაზე შემდეგ ვიფიქრებთ“, - თქვა მოურინიომ.

შეგახსენებთ, რომ „სევილიასა“ და „რომას“ ფინალი 31 მაისს, ბუდაპეშტში გაიმართება. აღსანიშნავია, რომ „სევილიას“ არასდროს წაუგია ამ ტურნირის ფინალში, მოურინიოს კი ევროთასის ფინალში არ განუცდია მარცხი.

სარეკლამო ადგილი - 23
250 x 500
სარეკლამო ადგილი - 14
120 x 600
0.119133