ფეხბურთი

1:51 | 19.05.2023 | ნანახია [] - ჯერ

"ფიორენტინას" თრილერი და "ვესტ ჰემის" მშვიდი ფინალის საგზური

კონფერენს ლიგის ფინალში ლონდონის „ვესტ ჰემი“ და ფლორენციის „ფიორენტინა“ შეხვდებიან.

„ვესტ ჰემმა“ „ალკმაართან“ საქმე ბოლომდე მშვიდად მიიყვანა. პირველი მატჩი ინგლისელებმა შინ 2:1 მოიგეს, ხოლო ნიდერლანდებში პაბლო ფორნალსის გოლი იკმარეს და ფინალში კითხვის ნიშნების გარეშე გავიდნენ.

აი, მეორე წყვილში საოცარი დრამა იყო. „ფიორენტინას“ შინ „ბაზელთან“ წაგებული ჰქონდა (1:2), მაგრამ სტუმრად მეტოქეს მოუგო და ფინალში გავიდა. შვეიცარიაში იტალიელებმა 90 წუთში 2:1 მოიგეს და დამატებითი დრო დაინიშნა, სადაც 130-ე წუთამდე გაგრძელდა თამაში (ერთი ხანობა შეწყვეტილი იყო), სწორედ ბოლო წუთზე, როცა ყველა პენალტების სერიისთვის ემზადებოდა, ანტონინ ბარაკმა ფლორენციელები ფინალში გაიყვანა.

ამრიგად, კონფერენს ლიგის ფინალში საინტერესო დუელი შედგება - „ვესტ ჰემი“ „ფიორენტინას“ წინააღმდეგ.

„ალკმაარი“ – „ვესტ ჰემი“ 0:1 (0:0) - ორი მატჩის ჯამში: 1:3

გოლი: 0:1 ფორნალსი (90)

„ბაზელი“ – „ფიორენტინა“ 1:3 დ.დ (0:1) - ორი მატჩის ჯამში: 3:4

გოლები: 0:1 გონსალესი (35), 1:1 ამდუნი (55), 1:2 გონსალესი (72), 1:3 ბარაკი (130)

0.111836