ფეხბურთი

13:12 | 18.05.2023 | ნანახია [] - ჯერ

ვინისიუსი: „ანჩელოტის დავალება ვერ შევასრულეთ“

მადრიდის „რეალის" თავდამსხმელმა, ვინისიუსმა, ჩემპიონთა ლიგის საპასუხო ნახევარფინალურ მატჩში „მანჩესტერ სიტისთან" წაგების შემდეგ, ჟურნალისტებს აზრი გაუზიარა.

თამაში მანჩესტერში გაიმართა და მადრიდის „რეალის“ გამანადგურებელი მარცხით 0:4 დასრულდა. ბრაზილიელის თქმით, „სამეფო კლუბის" ფეხბურთელებმა მთავარი მწვრთნელის, კარლო ანჩელოტის დავალება ვერ შეასრულეს.

„ვერ გავაკეთეთ ის, რაც ანჩელოტიმ გვთხოვა. „მანჩესტერ სიტის" წინააღმდეგ თამაში ყოველთვის რთულია. ვერ ვიტყვი, რომ ცუდად ვითამაშეთ. უბრალოდ ძლიერ გუნდთან წავაგეთ.“ - ციტირებს ვინისიუსის სიტყვებს Madrid Zone ტვიტერზე.

შეგახსენებთ, რომ „რეალისა“ და „მანჩესტერ სიტის“ პირველი თამაში ანგარიშით 1:1 დასრულდა. მეორე - 4:0 ინგლისური კლუბის სასარგებლოდ.

ამგვარად, „სიტი“ 2022/2023 წლების სეზონის ჩემპიონთა ლიგის ფინალში გავიდა, სადაც 10 ივნისს, სტამბოლში, მილანის „ინტერს“ დაუპირისპირდება.

0.11504