„ნაპოლიმ“ „ინტერთან“ მატჩისთვის მზადება დაიწყო და ორდღიანი დასვენების შემდეგ საწვრთნელი პროცესი განაახლა.
დღევანდელ ვარჯიშში არ მონაწილეობდა ვიქტორ ოსიმენი, რომელიც იტალიური მედიის ცნობით, გაციებულია. ჯერჯერობით, „ნერაძურისთან“ ითამაშებს თუ არა, უცნობია, რადგან თუ ნიგერიელი უახლოეს დღეებში ვერ გამოჯანმრთელდება, მოედანზე გასვლასაც ვერ შეძლებს.
შეგახსენებთ, რომ „ნაპოლისა“ და „ინტერის“ მატჩი 21 მაისს, „სტადიო მარადონაზე“ გაიმართება.
