იტალიის სერია A-ს მეოთხედფინალური სერიის მეორე შეხვედრაში თორნიკე შენგელიას „ვირტუსმა“ „ბრინდიზი“ ისევ იოლად დაამარცხა და 2:0 დაწინაურდა.

ბოლონიელებმა უპირატესობა პირველივე პერიოდში მოიპოვეს, რაც ხელიდან თამაშის ბოლომდე არ გაუშვიათ, საბოლოოდ კი 109:95 იმარჯვეს.

თორნიკე შენგელიამ 22 წუთში 16 ქულა, 8 მოხსნა და 3 პასი მიითვალა. საქართველოს ნაკრების კაპიტანმა 8-დან 3 ორქულიანი და 10-დან 10 საჯარიმო ჩააგდო, ხოლო სამქულიანი არ უსვრია. თორნიკე თანაგუნდელთა შორის ერთ-ერთი საუკეთესო იყო.

„ვირტუსს“ ნახევარფინალში გასასვლელად ერთი მოგება აშორებს, სერიის მესამე შეხვედრა კი 19 მაისს გაიმართება და ბოლონიელები ამჯერად სტუმრად ითამაშებენ.