ჩოგბურთი

20:28 | 14.05.2023 | ნანახია [] - ჯერ

როლან გაროსზე ნადალის გამოსვლა სათუოა

საფრანგეთის ღია პირველობაზე რაფაელ ნადალის გამოსვლა კითხვის ნიშნის ქვეშ დგას. მას ახლახანს ბორდოს ჩელენჯერის ტურნირზე უაილდ ქარდი შესთავაზეს, რაზევ ისევ და ისევ, მოუმზადებლობის გამო, უარი განაცხადა. არადა, ბორდოს ტურნირი მომდევნო კვირაში უნდა გაიმართოს და ეს ფაქტობრივად, როლან გაროსის წინ, მისთვის ეს მზადების ბოლოს ეტაპი შეიძლება ყოფილიყო.

ნადალს უკვე თვეებია, თეძოს ტრავმა აწუხებს, რის გამო, თამაშს ვერ ახერხებს. მან ეს ტრავმა ავსტრალიის ღია პირველობაზე თამაშისას მიიღო და მართალია, მკურნალობა დაასრულა, მაგრამ სრული დატვირთვით ვარჯიშს ვერ ახერხებს. დიდი ალბათობით, ის ვერც დიდი სლემის პარიზულ ტურნირზე ასპარეზობას შეძლებს.

„მას (ნადალის აგენტ კარლოს კოსტას) ერთ-ერთი უაილდ ქარდი შევთავაზე, რაზეც მიპასუხა, რომ ნადალი მზადებას შინ აგრძელებს, რომ ამჟამად მზად არ არის და ცდილობს, საფრანგეთის ღიასთვის მოემზადოს“, - ამბობს ბორდოს ტურნირის დირექტორი ჟან-ბაპტისტ პერლანი.

საფრანგეთის ღია პირველობა სტარტს 28 მაისს აიღებს.

0.126627