იტალიის საკალათბურთო ჩემპიონატში პლეი-ოფი დაიწყო. მეოთხედფინალის პირველ შეხვედრაში თორნიკე შენგელიას „ვირტუსმა“ „ბრინდიზი“ საკუთარ მოედანზე ძალიან იოლად, 104:68 დაამარცხა.

სერჯო სკარიოლოს გუნდმა პირველ ტაიმში 28-ქულიანი უპირატესობა მოიპოვა და ცხადია საქმეც ბოლომდე ადვილად მიიყვანა.

შენგელიამ 16 წუთში საკუთარ გუნდს 6 ქულა, 4 მოხსნა, 2 პასი და 2 ჩაჭრა შესძინა. საქართველოს ნაკრების კაპიტანმა 4-დან 3 ორქულიანი ჩააგდო, ხოლო სამქულიანი და საჯარიმო არ უსვრია.

„ვირტუსი“ სერიაში დაწინაურდა, მომდევნო მატჩს კი 15 მაისს ისევ შინ ჩაატარებს. აქვე გეტყვით, რომ სერია სამ მოგებამდეა.