დორტმუნდის „ბორუსიის" ნახევარმცველმა, ჯუდ ბელინგემმა, მადრიდის „რეალთან" კონტრაქტის ყველა დეტალი შეათანხმა - წერს ტვიტერში ჟურნალისტი ფაბრიციო რომანო.

წყაროს ცნობით, ინგლისელმა ფეხბურთელმა 10 დღის წინათ მიიღო მადრიდული კლუბის ყველა პირობა და მოუთმენლად ელის „რეალში" გადასვლას. ესპანური კლუბის წარმომადგენლები მაისში ბორუსიას ხელმძღვანელობას შეხვდებიან, რათა კომპენსაციის საბოლოო თანხა და ტრანსფერის საბოლოო პირობები დააზუსტონ.

19 წლის ბელინგემმა მიმდინარე სეზონში ბორუსიაში ჩატარებულ 41 მატჩში 13 ბურთი გაიტანა და 9 საგოლე გადაცემა შეასრულა.