ესპანეთის ლიგა ენდესას 31-ე ტურში „მურსიამ“ სტუმრად „ბრეოგანი“ 65:60 დაამარცხა და ძალიან მნიშვნელოვანი გამარჯვება მოიპოვა. აღსანიშნავია, რომ „მურსია“ დიდი ანგარიშით იგებდა და მხოლოდ ბოლო პერიოდში მოდუნდა, რომელიც 14 ქულით წააგო, მაგრამ საბოლოო გამარჯვება მაინც მოახერხა.

თად მაკფადენმა 17:52 წუთში 11 ქულა, 2 მოხსნა და 3 პასი მიითვალა. საქართველოს ნაკრების კალათბურთელმა 8-დან 3 სამქულიანი და 2-დან 2 საჯარიმო ჩააგდო, ხოლო 4 ორქულიანი ააცილა. შედეგად, მისი მარგი ქმედების კოეფიციენტი 5-ს გაუტოლდა. რატი ანდრონიკაშვილს კი თამაშის შესაძლებლობა არც ამჯერად მისცემია.

„მურსია“ 15 მოგებით და 17 წაგებით მეცხრე ადგილზეა, მომდევნო ტურში კი 14 მაისს, „ბილბაოს“ უმასპინძლებს.