ესპანელმა მწვრთნელმა რაფაელ ბენიტესმა „ნაპოლის“ ჩემპიონობაზე ისაუბრა. გარდა ამისა, მან კომენტარი გააკეთა ხვიჩა კვარაცხელიასა და ვიქტორ ოსიმენზე, რომელთა დამსახურებას ჩემპიონობაში თანაბრად ხედავს.
„ყველა ოსიმენზე და კვარაცხელიაზე საუბრობს, მაგრამ მე მჯერა, რომ ამ დონეზე გუნდის შენარჩუნება მთელი სეზონის განმავლობაში სპალეტის, კლუბის, გულშემატკივრებისა და პრეზიდენტის დამსახურებაა. სპალეტიმ დიდი სამუშაო შეასრულა, ამ დონეზე ასვლა არც ისე ადვილია. წვლილი კი ყველას მიუძღვის: ჯუნტოლიმ ფეხბურთელები იყიდა, სპალეტი მათ ყოველდღე ავარჯიშებდა, დამსახურება ტომაზო სტარაჩესაც აქვს (იღიმის).
კვარაცხელია თუ ოსიმენი? ორივემ შესანიშნავი სეზონი ჩაატარა. ვისაც გოლები გააქვს, ყოველთვის აქვს მნიშვნელოვანი როლი, მაგრამ ვინც პასებს აკეთებს, ისიც ასეთივე მნიშვნელოვანია. ასე რომ, ორივეს ჩემს გუნდში ავიყვანდი“, - თქვა ბენიტესმა.
შეგახსენებთ, რომ რაფაელ ბენიტესი „ნაპოლის“ მთავარ მწვრთნელად 2013-2015 წლებში მუშაობდა.
