ცნობილი იტალიური გამოცემა Gazzetta Dello Sport-ი ხვიჩა კვარაცხელიას და „ნაპოლის“ შორის კონტრაქტის განახლების შესახებ წერს.

ავტორიტეტული გაზეთის ცნობით, დიდი შანსია, რომ შეთანხმება მხარეებს შორის ზაფხულში შედგეს. საუბარია კონტრაქტი ერთი წლით, 2028-წლამდე განახლებაზე (ამჟამინდელი კონტრაქტი ძალაში 2027 წლამდეა), რომლის მიხედვით ხვიჩას ხელფასი გაორმაგებდა და 1.2 მილიონი ევროდან 2.5 მილიონი ევრო გახდება.

აღსანიშნავია, რომ ამის შესახებ იტალიური პრესა დიდი ხანია წერს, მაგრამ ვინაიდან სეზონი მიმდინარეობს, როგორც მხარეებმა საბოლოო გადაწყვეტილების მიღება ზაფხულისთვის გადადეს.

შეგახსენებთ, ხვიჩა კვარაცხელიამ მიმდინარე სეზონში ყველა ტურნირზე 38 მატჩში 14 გოლი გაიტანა, 14 საგოლე პასი გააკეთა და 4-ჯერ პენალტი მოიპოვა.