ვეტერანმა იტალიელმა ფეხბურთელმა ანტონიო კასანომ „ნაპოლის“ შესახებ კიდევ ერთხელ, ამჯერად სკუდეტოს მოგების შემდეგ.

როგორც კასანომ აღნიშნა, „ნაპოლი“ მსოფლიოს ჩემპიონიც გახდა, რადგან მთელი მსოფლიო ნეაპოლში მიმდინარე მოვლენებს თვალს ადევნებს.

„როგორც იქნა, „ნაპოლი“ იტალიის ჩემპიონი გახდა. ჩემი აზრით, მსოფლიოს ჩემპიონიცაა, რადგან მთელი პლანეტა ყურადღებით ადევნებს თვალს ნეაპოლში არსებულ ვითარებას. ეს ყველაფერი იმის დამსახურებაა, რაც სპალეტიმ შექმნა და შეგახსენებთ, რომ მას უბრალოდ კარგი გუნდი ჰყავდა. არ ჰყოლია ფერარი, 300 კმ/სთ სიჩქარით. მხოლოდ ერთი კარგი მანქანა ჰყავდა, რომელიც ბოლიდივით ამუშავა. მწვრთნელმა წარმოუდგენელი სასწაული მოახდინა, რაღაც უნიკალური იტალიური ფეხბურთის ისტორიაში.

„ნაპოლი“ ჩემპიონი 5 ტურით ადრე გახდა, მაგრამ ჩემპიონობისთვის ბრძოლა რეალურად 2 თვეა დასრულებულია. გარდა ამისა, სპალეტის ფეხბურთი მშვენიერი იყო ევროპაშიც, იტალიაში კი მსგავსი რამ არასდროს გვინახავს გამარჯვებული გუნდისგან. შეგახსენებთ, რომ სარიმ სკუდეტო ვერ მოიგო. ევროპაში ალბათ მხოლოდ „მანჩესტერ სიტი“ და „ბაიერნი“ თამაშობენ ამ „ნაპოლის“ დონეზე“, - თქვა კასანომ.