„პარი სენ ჟერმენში“ სრული ქაოსია და გულშემატკივრები კლუბის ხელმძღვანელობისა და ფეხბურთელების წინააღმდეგ გამოდიან.
ამჯერად ფანების ნაწილი ნეიმარის სახლთან შეიკრიბნენ და საპროტესტო აქცია მოაწყვეს. ისინი ბრაზილიელ ფეხბურთელს პსჟ-დან წასვლისკენ მოუწოდებდნენ.
აღსანიშნავია, რომ ფანების სამიზნე მანამდე ლიონელ მესი და მარკო ვერატი გახდნენ. ამიტომაც, კლუბმა სამივე ფეხბურთელის მიმართ პსჟ-მ დაცვა გააძლიერა.
შეგახსენებთ, რომ „პარი სენ ჟერმენის“ ფანები ჩემპიონთა ლიგაზე მორიგი წარუმატებლობით არიან უკმაყოფილოები, რასაც საფრანგეთის ლიგა 1-ში არასტაბილური ასპარეზობაც დაემატა.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია