იტალიელმა აგენტმა ბეპე აკარდიმ „ნაპოლის“ შესახებ ისაუბრა. როგორც მან თქვა, სკუდეტო ლუჩანო სპალეტის გუნდმა დაიმსახურა, მაგრამ ზაფხულში ხვიჩა კვარაცხელია და ვიქტორ ოსიმენი მისი აზრით, „ნაპოლიდან“ წავლენ.

„ნაპოლიმ“ სკუდეტო დაიმსახურა, თუნდაც ჯერ მათემატიკურად მოგებული არ ჰქონდეს. თავიდან არავის ეგონა, რომ ამ გუნდს ჩემპიონობა შეეძლო, მაგრამ მერე ყველამ დაიჯერა. „აძურიმ“ სეზონი წარმოუდგენლად ჩაატარა, მონდომებით და თავდაჯერებულად. მთავარი წვლილი ფეხბურთელებიდან ოსიმენმა და კვარაცხელიამ შეიტანეს, რომლებიც ჩემი აზრით, ზაფხულში წავლენ. თუმცა, „ნაპოლიმ“ აქამდეც აჩვენა, რომ ეკონომიკურ დონეზე მართვის უნარების მაგალითი და ამ გზას გააგრძელებს“, - თქვა აკარდიმ.

შეგახსენებთ, რომ ხვიჩა კვარაცხელიას „ნაპოლისთან“ კონტრაქტი 2027 წლის ზაფხულამდე აქვს გაფორმებული.