„მილანის“ ფეხბურთელმა ზლატან იბრაჰიმოვიჩმა კიდევ ერთი ტრავმა მიიღო და სავარაუდოდ, მიმდინარე სეზონში ვერ ითამაშებს.

შვედმა დაზიანება „ლეჩესთან“ მატჩისწინა გახურებისას მიიღო და გუნდს გაურკვეველი პერიოდით გამოაკლდა. 41 წლის ზლატანს მიმდინარე სეზონის უდიდესი ნაწილი ტრავმების გამო გაუცდა, რის გამოც ის მოედანზე სულ 4-ჯერ გავიდა და ერთადერთი გოლი გაიტანა.

შეგახსენებთ, რომ ზლატან იბრაჰიმოვიჩი „მილანში“ 2020 წლის იანვარში დაბრუნდა და მას შემდეგ „შავ-წითელი“ მაისურით 78 შეხვედრაში თავი 37 გოლით გამოიჩინა.