„ნაპოლის“ თავდამსხმელის, ვიქტორ ოსიმენის აგენტმა რობერტო კალენდამ განაცხადა, რომ ბოლო დროს გავრცელებული სატრანსფერო ხმები სიმართლეს არ შეესაბამება.

როგორც მან აღნიშნა, ჯერჯერობით, შეთანხმება არცერთ კლუბთან არ არსებობს და ტრანსფერზე საუბარი ნაადრევია.

„ყველაფერი, რაც ვიქტორის ტრანსფერზე ითქვა, სიცრუეა. სატრანსფერო ბაზარზე საუბარი ჯერ ნაადრევია. ბევრი ცდილობს სიტუაციის დესტაბილიზაციას, მაგრამ ამ ეტაპზე არაფერია, არანაირი შეთანხმება არ არსებობს“, - თქვა კალენდამ.

შეგახსენებთ, რომ ვიქტორ ოსიმენს ყველაზე აქტიურად „ბაიერნსა“ და პსჟ-ს უკავშირებენ, მაგრამ ასევე დაინტერესებული არიან „ჩელსი“ და „მანჩესტერი“. ნიგერიელმა ფეხბურთელმა მიმდინარე სეზონში ყველა ტურნირზე ჩატარებულ 32 მატჩში 25 გოლის გატანა მოახერხა.