„ჟირონას“ თავდამსხმელმა ტატი კასტელანოსმა მადრიდის „რეალთან“ შესრულებული პოკერის შემდეგ კომენტარი გააკეთა. როგორც მან თქვა, ვერასდროს წარმოიდგენდა, რომ მადრიდული გრანდის კარში 4 გოლს გაიტანდა.

„საოცნებო საღამო იყო. მსოფლიოს ერთ-ერთ საუკეთესო კლუბს ვეთამაშეთ და ვერასდროს წარმოვიდგენდი, რომ მადრიდის „რეალს“ 4 გოლს გავუტანდი. გოლებს არგენტინელ ხალხს და არგენტინაში ჩემს ოჯახს ვუძღვნი, ისინი ყოველთვის მხარს მიჭერენ. „რეალთან“ გოლის გატანაზე ვოცნებობდი, მაგრამ 4 გოლის გატანა არასდროს წარმომედგინა“, - თქვა კასტელანოსმა.

შეგახსენებთ, რომ ტატი კასტელანოსი 76 წლის შემდეგ პირველი ფეხბურთელია, რომელმაც ლა ლიგის მატჩში „სამეფო კლუბის“ წინააღმდეგ პოკერი შეასრულა.