ლონდონის „ტოტენჰემიდან“ დროებითი მწვრთნელი კრისტიან სტელინი დაითხოვეს. ინფორმაცია ინგლისური კლუბის ვებგვერდმა გაავრცელა.

სტელინი ანტონიო კონტეს თანაშემწე იყო, რომლის გუნდიდან წასვლის შემდეგ სეზონის ბოლომდე მთავარ მწვრთნელად დანიშნეს. მისი ხელმძღვანელობით „დეზებმა“ პრემიერლიგის 4 მატჩში მხოლოდ 4 ქულა მოიპოვეს, ბოლო ტურში კი „ნიუკასლთან“ სულაც 1:6 განადგურდნენ, სადაც მე-20 წუთისთვის ანგარიში 0:5 იყო.

კლუბის განცხადებაში აღნიშნულია, რომ „ტოტენჰემს“ მიმდინარე სეზონის ბოლომდე რაიან მეისონი გაწვრთნის.

„ტოტენჰემი“ პრემიერლიგაში 32 ტურის შემდეგ 53 ქულით მეხუთე ადგილზეა და ჩემპიონთა ლიგის ზონას 6 ქულით ჩამორჩება, თანაც კონკურენტებთან შედარებით თამაშით მეტიც აქვს ჩატარებული.