„ნაპოლის“ მთავარმა მწვრთნელმა ლუჩანო სპალეტიმ „იუვენტუსთან“ მატჩის შემდეგ იმ რთულ გზაზე ისაუბრა, რომელიც მან ცხოვრებაში გაიარა. თქვა, რომ იტალიის ჩემპიონობა ანაზღაურებს ყველა იმ მსხვერპლს, რომელიც გაიღო.
„მე უფრო რთული გზა გავიარე, ვიდრე სხვებმა, რომლებმაც მუშაობა სხვადასხვა დონიდან დაიწყეს, რაც ალბათ სამართლიანი იყო, რადგან კარგად ახერხებდნენ ფეხბურთელების ისეთი პატივისცემის მოპოვებას, რომ უფრო მაღალი დონიდან დაეწყოთ.
მე არასდროს მიმოგზაურია პირველი კლასით, ყოველთვის ავტოსტოპით ვმოგზაურობდი, ასე რომ, ის ფაქტი, რომ სულ მალე შემიძლია სკუდეტოს მოგება, ანაზღაურებს ყველა გაღებულ მსხვერპლს. როცა ახერხებ სათავეში მოქცევას, ცოტა კმაყოფილება გეუფლება. ხანდახან დამცინოდნენ იმის გამო, რომ სათადარიგო სკამზე ბუცებით გამოვდიოდი, მაგრამ ვიცი, რა განვიცადე ამ ბუცების მოსაპოვებლად, რადგან ბავშვობაში არ მქონდა ფული მათ საყიდლად, ახლა კი ჩემთვის ადვილია მისი ტარება და ხშირად ასე ვიქცევი“, - თქვა სპალეტიმ.
შეგახსენებთ, რომ „ნაპოლის“ სკუდეტოს მოგება მომდევნო ტურშივე შეუძლია თუ საკუთარ მოედანზე „სალერნიტანას“ დაამარცხებს, ხოლო „ლაციოს“ სტუმრად „ინტერთან“ ვერ გაიმარჯვებს. ლუჩანო სპალეტის კარიერაში სკუდეტო აქამდე არასდროს მოუგია.
