ზინედინ ზიდანს მომდევნო სეზონიდან მუშაობის განახლება სურს. RMC Sport-ი წერს, რომ ორწლიანი პაუზის შემდეგ „ზიზუ“ გუნდს ეძებს.

ცნობილი ფრანგული გამოცემის ცნობით, ზიდანის სასურველი გუნდი ბევრი არ არის, მაგრამ მისთვის ერთი კლუბია პრიორიტეტული, რომელსაც ძალიან კარგად იცნობს: „იუვენტუსი“.

ზიდანი თანახმაა, რომ ტურინული გუნდი იმ შემთხვევაშიც ჩაიბაროს, თუ „იუვე“ მომდევნო სეზონში ევროთასებზეც არ ითამაშებს. პრობლემა ისაა, რომ იტალიურ გრანდს მასიმილიანო ავარჯიშებს, რომელსაც კონტრაქტი 2025 წლის ზაფხულამდე აქვს გაფორმებული.

ზიდანი „იუვეში“ 1996-2001 წლებში თამაშობდა, სამწვრთნელო კარიერაში კი მხოლოდ მადრიდის „რეალში“ აქვს ნამუშევარი, რომელსაც 2016-2018 და 2019-2021 წლებში წვრთნიდა.