კონფერენს ლიგაზე ბოლო ორი ნახევარფინალისტიც გაირკვა - შვეიცარიული „ბაზელი“ და ინგლისური „ვესტ ჰემი“.

„ბაზელმა“ ბევრისთვის მოულოდნელად ფრანგული „ნიცა“ გააგდო. შვეიცარიაში 2:2 დაფიქსირდა, საფრანგეთში კი „ნიცა“ იგებდა, მაგრამ 86-ე წუთზე სტუმრებმა გაათანაბრეს და თამაში დამატებით დროში გადაიყვანეს, სადაც კიდევ ერთხელ შეაგდეს და საბოლოოდ მოიგეს, როგორც ეს მატჩი, ისე ორი შეხვედრის ჯამში (2:1, 4:3).

„ვესტ ჰემმა“ ბელგიური „გენტი“ შინ 4:1 დაამარცხა, ორი მატჩის ჯამში კი 5:2 აჯობა, შესაბამისად, მომდევნო ეტაპზეა. მოგეხსენებათ, კონფერენს ლიგის ნახევარფინალში მანამდე „ფიორენტინა“ და „ალკმაარი“ გავიდნენ.

ნახევარფინალში „ვესტ ჰემი“ „ალკმაარს“ და „ფიორენტინა“ „ბაზელს“ დაუპირისპირდება.