ფეხბურთი

10:08 | 20.04.2023 | ნანახია [] - ჯერ

ერლინგ ჰოლანდმა ჩემპიონთა ლიგის ფლეი-ოფში გატანილი გოლების რეკორდი დაამყარა

ჩემპიონთა ლიგის საპასუხო მეოთხედფინალურ მატჩში „ბაიერნის“ წინააღმდეგ (1:1), „მანჩესტერ სიტის“ თავდამსხმელმა, ერლინგ ჰოლანდმა ტურნირის ფლეი-ოფის ეტაპზე გატანილი გოლების რაოდენობა 13-მდე გაზარდა. საოცარი შედეგია თუ გავითვალისწინებთ, რომ ნორვეგიელმა ტურნირის ამ ეტაპზე მხოლოდ მეათე მატჩი ჩაატარა.

ამრიგად, ჰოლანდმა ახალი რეკორდი დაამყარა. წინა მიღწევა „ბაიერნის“ გარემარბ სადიო მანეს ეკუთვნოდა. ჩემპიონთა ლიგის ფლეი-ოფის პირველ ათ მატჩში მანემ ცხრა გოლი გაიტანა.

ასევე ჰოლანდმა ჩემპიონთა ლიგის ერთ სეზონში გატანილი გოლებით ინგლისის პრემიერ ლიგის მოთამაშეებს შორის არსებული რეკორდი გაიმეორა. ერლინგმა 12-ჯერ გამოიჩინა თავი, ისევე როგორც რუდ ვან ნისტელროიმ 2002/2003 წლების სეზონში, როდესაც ნიდერლანდელი ბომბარდირი „მანჩესტერ იუნაიტედში“ თამაშობდა.

0.111613