„ნაპოლისა“ და „მილანის“ მატჩის შემდეგ მსაჯის მუშაობა ვეტერანმა არბიტრმა ლუკა მარელიმ შეაფასა, რომელმაც პირველ ტაიმში არდანიშნულ პენალტზე ისაუბრა.

როგორც მან აღნიშნა, შიმონ მარჩინიაკმა შეცდომა დაუშვა, მაგრამ პირველ რიგში VAR-მა, რადგან რაფაელ ლეაუს მხრიდან თამაშის წესის დარღვევა აშკარა იყო.

„ლოზანოს წინააღმდეგ სუფთა პენალტი იყო. მოედნიდან შესაძლოა მსაჯი შეცდეს, ვერც ასისტენტი დაეხმაროს, რადგან არ ჰქონდეს მხედველობის კარგი არეალი, მაგრამ VAR-ი სწორედ ამისთვისაა. საუბარი არ არის კონტაქტის ინტენსივობის შეფასებაზე, აშკარაა, რომ ლეაუმ ბურთი კუთხურზე გადააგდო, მაგრამ ამავდროულად აშკარაა, რომ ბურთის გადაგდებამდე ლოზანოს ფეხში ჩაარტყა, რომელიც წაიქცა. VAR-ი უნდა ჩარეულიყო“, - თქვა მარელიმ.

კიდევ ერთმა ვეტერანმა მსაჯმა, გრაციანო ჩეზარიმ კი ეს ეპიზოდი მოკლედ დაახასიათა: მსაჯის წარმოუდგენელი შეცდომა.