„რომას“ მთავარმა მწვრთნელმა ჟოზე მოურინიომ „ფეიენოორდთან“ მატჩის (0:1) შემდეგ განაცხადა, რომ გუნდს გოლების გატანა უჭირს, რადგან ერლინგ ჰოლანდი არ ჰყავთ.

„საჯარიმოში ცოტა ფეხბურთელი გვყავდა? ჩვენ არ გვყავს ჰოლანდი. ის ვართ, ვინც ვართ, ყოველთვის მაქსიმუმს ვაკეთებთ. ბიჭებმა თავგანწირვით და ღირსებით ითამაშეს, შეიძლებოდა სხვა შედეგის მიღწევა, მაგრამ რეალობა ესაა“, - თქვა მოურინიომ.

შეგახსენებთ, რომ „ფეიენოორდისა“ და „რომას“ საპასუხო მატჩი იტალიაში 20 აპრილს გაიმართება.