„სალერნიტანას“ განაპირა მცველმა პასკუალე მაძოკიმ განაცხადა, რომ სერია A-ში ყველაზე ძლიერი ფეხბურთელი რაფაელ ლეაუა, მაგრამ ასევე გამოარჩია ხვიჩა კვარაცხელია.
როგორც მან აღნიშნა, ქართველი შემტევი ტელევიზორიდანაც აშინებს:
„სერია A-ში ყველაზე ძლიერი ლეაუა, მისნაირი ფეხბურთელი გაიძულებს 80 წუთის განმავლობაში ყურადღებით იყო, რადგან ნებისმიერ მომენტში შეუძლია რაღაცის შეცვლა. შემდეგ ვიტყოდი კვარაცხელიას, მის წინააღმდეგ ჯერ არ მითამაშია, მაგრამ ტელევიზორიდანაც ნამდვილად საშიშია“, - თქვა მაძოკიმ.
შეგახსენებთ, რომ პირველ წრეში „სალერნიტანას“ წინააღმდეგ ხვიჩა კვარაცხელიას ტრავმის გამო არ უთამაშია, მეორე წრეში კი „ნაპოლი“ სალერნოულ გუნდს ჯერ არ შეხვედრია.
