ტაისონ ფიურის პრომოუტერი ბობ არუმი ამბობს, რომ შესაძლოა, WBC-ს (კრივის მსოფლიო საბჭო) მძიმე წონის ტიტულის დასაცავად, ფიური ენდი რუის უმცროსს შეხვდეს. ფიური მძიმე წონის რამდენიმე ტიტულის მფლობელ უკრაინელ ოლეკსანდრ უსიკს უნდა შეხვედროდა, მაგრამ მეტისმეტად ბევრი მოითხოვა, რის გამოც, შეხვედრა ჩაიშალა.

შესაბამისად, უსიკი იძულებულია, სავალდებულო პრეტენდენტს, ბრიტანელ დანიელ დუბუას შეხვდეს და ამის შემდეგ, ისევ სცადოს ფიურისთან დაპირისპირება. არუმი ამბობს, რომ თუ რუისთან ბრძოლა გაიჩარხა, ის ზაფხულში გაიმართება. თუმცა ჯერ გარკვეული არაფერია.

„ახლა ფიური ოჯახთან ერთად, იტალიაში ისვენებს. როცა ინგლისში დაბრუნდება, ჩვენ დავილაპარაკებთ. ჩვენ საუკეთესო მეტოქეს ვურჩევთ. ბრძოლა ამ ზაფხულს, ბრიტანეთში გაიმართება. შესაძლოა, მეტოქე რუსის უმცროსი იყოს, ან ვინმე მისი სტილის მოკრივე“, - ამბობს არუმი.

33 წლის რუისმა ენტონი ჯოშუასთან ქულებით წააგო და მას შემდეგ, ზედიზედ ორ ბრძოლაში გაიმარჯვა. 2019 წელს, პირველ შეხვედრაში, მან ჯოშუა ტექნიკური ნოკაუტით დაამარცხა და ტიტულები ჩამოართვა, თუმცა ექვს თვეში მათი მეორე შეხვედრა წააგო და ყველა სარტყელი უკან დაუბრუნა.