„არსენალი“ „ბაიერნის“ ნახევარმცველით, რაიან გრავენბერხით დაინტერესდა.

ჟურნალისტ ფლორიან პლეტენბერგის თქმით, ლონდონური კლუბი 20 წლის ფეხბურთელთან დაკავშირებით სიტუაციას აკვირდება. მოლაპარაკებები ჯერ არ მიმდინარეობს, მაგრამ თუ რაიანი გადასვლას გადაწყვეტს, შეუძლია მეტი სათამაშო დრო მიიღოს ჩრდილოეთ ლონდონში.

მანამდე გავრცელდა ინფორმაცია, რომ „ლივერპული“ გრავენბერხთან კონტრაქტზე შეთანხმდა.

ნახევარმცველი „ბაიერნში" გასულ ზაფხულს „აიაქსიდან" გადავიდა 16 მილიონი გირვანქის სანაცვლოდ.

მიმდინარე სეზონში 20 წლის ფეხბურთელმა გუნდში ყველა ტურნირზე 26 მატჩი ჩაატარა, 1 ბურთი გაიტანა და 1 საგოლე გადაცემა შეასრულა. მისი კონტრაქტი 2027 წლის ზაფხულამდეა ძალაში.