ჰოლანდიელმა მატიო ვან დერ პოელმა პარიზი რუბეს ერთდღიანი მონუმენტური რბოლა მოიგო. მან ფინიშამდე 15 კილომეტრით ადრე დაიწყო შეტევა, რომელზეც ვერცერთმა მეტოქემ სათანადო პასუხი ვერ გასცა.

ვან დერ პოელი (ალპესინ-დესონინკი) იმ შვიდ ველომრბოლს შორის იყო, რომელმაც 257-კილომეტრიანი „ჩრდილოური ჯოჯოხეთის“ ბოლო 50 კილომეტრიანი მონაკვეთზე დაწინაურება შეძლო. შემდეგ კი, გადამწყვეტი შეტევა ქვაფენილიან სექცია კარფურ დე ლ’არბეზე დაიწყო.

ეს მას შემდეგ მოხდა, რაც გერმანელი ჯონ დაგენკოლბი (ტიმ DSM) დაეცა და მთავარ მეტოქე ბელგიელ ვუტ ვან აერტს (ჯუმბო-ვისმა) ბორბალი დაეშვა. ამის შემდეგ, 28 წლის ვან დერ პოელმა ფეხს აუჩქარა და ველოდრომ ანდრე-პეტრიუზე პირველი შევიდა.

„ამაზე მეტის მიღწევა შეუძლებელია. როდესაც ვაე აერტს გავასწარი, მას თავი დახრილი ჰქონდა. მაშინ არ ვიცოდი, რომ მისი საბურავი დაეშვა. მაგრამ ეს ხომ რუბეა. აქ ძლიერი ფეხებია საჭირო და იღბალი“, - ამბობს გამარჯვებული.

მეორე ადილისთვის ბრძოლაში, მისმა ბელგიელმა თანაგუნდელმა იასპერ ფილიპსენმა, საფინიშო სპრინტში უკან მოიტოვა ვან აერტი.