„ალ-ნასრის“ დიდვარსკვლავმა, კრიშტიანუ რონალდუმ, საუდის არაბეთის ჩემპიონატის 22-ე ტურის „ალ-ადალასთან“ (5:0) მატჩის შემდეგ პოსტი გამოაქვეყნა. ამ შეხვედრაში პორტუგალიელმა თავდამსხმელმა დუბლი შეასრულა.

„შესანიშნავი გუნდური მუშაობა - ვაგრძელებთ წინსვლას." - დაწერა რონალდუმ სოციალურ ქსელში.

„ალ-ნასრი“ საუდის არაბეთის პრემიერლიგაში 22 ტურის შემდეგ 52 ქულით მეორე ადგილზეა და ერთი პუნქტით ჩამორჩება ლიდერ „ალ-იტიჰადს.“

რონალდუ „ალ ნასრში“ 2023 წლიდან თამაშობს. ფეხბურთელის კონტრაქტი კლუბთან 2025 წლამდეა გათვლილი. საუდის არაბეთის ჩემპიონატის მიმდინარე სეზონში რონალდუმ ცხრა მატჩი ითამაშა, 11 ბურთი გაიტანა და ორი საგოლე გადაცემა შეასრულა.