„ნაპოლიმ“ მიმდინარე სეზონში ყველაზე ცუდი თამაში ჩაატარა და ყველაზე მძიმე მარცხი განიცადა, 0:4 საკუთარ მოედანზე „მილანთან“. მატჩის შემდეგ ხვიჩა კვარაცხელიას თამაში სხვადასხვა იტალიურმა გამოცემებმა შეაფასეს.

Tuttonapoli 5.5 ქულა: „რა თქმა უნდა არ ბრწყინავდა, მაგრამ ხშირად ორი ან სამი მოწინააღმდეგის შუაგულში აღმოჩნდებოდა, დიდი დახმარების გარეშე. თანაგუნდელებს სივრცეებს უხსნიდა, მაგრამ ისინი ამით ვერ სარგებლობდნენ“.

Goal.com 5.5 ქულა: „სისტემატურად ორმაგი მეურვეობის ქვეშ იყო. ცდილობს გაანათოს, მაგრამ დისტანციაზე ძალას კარგავდა. მეორე ტაიმში აღდგენის ნიშნები იყო, მაგრამ უკვე ძალიან გვიანი გახლდათ“.

Tuttomercatoweb 5.5 ქულა: „ქართველი შეტევის მარცხენა ფლანგზე აალებას ცდილობს, მაგრამ ჩვეული სტანდარტებით გოლის გატანას ვერ ახერხებს. ლეაოსთან დუელში დამარცხდა“.

Calcionapoli1926 4 ქულა: „თანაგუნდელ ჟელინსკის მსგავსად ზოგჯერ უბრალოდ მოჩვენებაა. მისი თამაში სტერილური და პროგნოზირებადია“.

Calciomercato.com 5.5 ქულა: „ერთადერთია, ვინც ცდილობს საშინელ საღამოს ნაპერწკალი აანთოს. ცდილობს, მაგრამ „როსონერის“ გალიიდან ვერ გადის“.

Eurosport 5.5 ქულა: „ყველაზე ნაკლებად ცუდი ან, უფრო სწორედ ის, ვინც ყველაზე მეტად ცდილობს. მისი რამდენიმე ბრუნი პანიკას იწვევს, მაგრამ რეალურ მომენტს ვერ ქმნის. მეორე ტაიმში მარიო რუი დასარტყმელ პოზიციაზე დატოვა. მაინც, ეს ძალიან ცოტაა მის სტანდარტებთან შედარებით“.

Calcionapoli24 5 ქულა : „ორი დრიბლინგი სტადიონს აგიჟებს, მაგრამ საბოლოოდ, მეტოქეს ვერ არღვევს. კალაბრია ძალიან დაბლა ელოდებოდა, მერე კი მთელი გუნდივით ჩაიძირა“.

Corriere Della Sera 5 ქულა: „ყოველ ჯერზე, როცა ბურთს ეხება, პანიკაა, მაგრამ ამაზე მეტი ვერ გააკეთა. თუნდაც იმიტომ, რომ თანაგუნდელები ძალიან ცუდად ეხმარებოდნენ“.

შეგახსენებთ, „ნაპოლი“ წაგების მიუხედავად 71 ქულით ლიდერია. „აძური“ 16 ქულით უსწრებს უახლოეს მდევარ „ლაციოს“, მომდევნო ტურში კი 7 აპრილს, სტუმრად „ლეჩეს“ შეხვდება. ხვიჩა კვარაცხელიამ მიმდინარე სეზონში ყველა ტურნირზე ჩატარებულ 31 შეხვედრაში 14 გოლი, 14 საგოლე პასი და 4 მოპოვებული პენალტი მიითვალა.