ფეხბურთი

14:55 | 31.03.2023 | ნანახია [] - ჯერ

მარეკ ჰამშიკი: "ოსიმენი ძალიან მომწიფდა, კვარაცხელიას დიდი ფანტაზია აქვს"

თურქული „ტრაბზონსპორის“ ფეხბურთელმა მარეკ ჰამშიკმა „ნაპოლის“ შესახებ ილაპარაკა. როგორც ვეტერანმა სლოვაკმა ნახევარმცველმა აღნიშნა, ხვიჩა კვარაცხელიას თამაშის ყურება კარგი და სასიამოვნოა.

„ნაპოლის“ გასაოცარი სეზონი აქვს, მე მათი პირველი ქომაგი ვარ, შორიდანაც ვუყურებ. ისინი ძალიან კარგად მუშაობენ, ნებისმიერ მეტოქესთან მატჩს სწორი მენტალიტეტით უდგებიან. დარწმუნებული ვარ, „მილანთან“ სამი კარგი მატჩი გველოდება, სადაც თითოეულ დეტალს დიდი ყურადღება დასჭირდება, მაგრამ სპალეტი ამაში ძალიან კარგია.

მერეტი თავის დონეს დაუბრუნდა, დი ლორენცო ძალიან სანდო ფეხბურთელია, ისევე, როგორც მარიო რუი და რაჰმანი. ლობოტკას შესაძლებლობები ვიცოდი, ის ნახევარდაცვის შუქურაა, ბურთს არასდროს კარგავს და პრესინგისთვის ყოველთვის მზადაა. ჟელინსკისაც შეტევაში ძალიან მნიშვნელოვანი როლი აქვს, კვარაცხელიას დიდი ფანტაზია გააჩნია, მისი თამაშის ყურება სასიამოვნოა, ოსიმენი კი ძალიან მომწიფდა და ბანალურ გოლს არასდროს იტანს“, - თქვა ჰამშიკმა.

შეგახსენებთ, რომ მარეკ ჰამშიკმა „ნაპოლიში“ 2007-2019 წლებში 520 მატჩი ჩაატარა, მეტოქეთა კარში კი 121 გოლის გატანა მოახერხა.

0.11165