ავტოსპორტი

1:34 | 31.03.2023 | ნანახია [] - ჯერ

ფერსტაპენი ამბობს, რომ ალონსო 33-ე გამარჯვებას იმსახურებს

მსოფლიოს ორგზის ჩემპიონი მაქს ფერსტაპენი ამბობს, რომ მსოფლიოს ასევე ორგზის ჩემპიონი ფერნანდო ალონსო, 33-ე გამარჯვებას იმსახურებს. და მას გაუხარდება, თუ ესპანელი ამას შეძლებს.

უკვე ათი წელია, რაც ალონსოს რბოლა არ მოუგია. ბოლოს მან გამარჯვება ესპანეთის 2013 წლის დიდ პრიზზე მოიპოვა. მას სულ 32 გამარჯვება აქვს. ეს ზღვარი ფერსტაპენმა გასულ სეზონში გადალახა.

ალონსომ წლევანდელი სეზონი კარგად დაიწყო - პირველი ორი რბოლა კვარცხლბეკით დაასრულა. ამან კი გააჩინა იმის იმედი, რომ ის გამარჯვებასთანაც ახლოსაა. და ფერსტაპენი ამბობს, რომ ეს დამსახურებული გამარჯვება იქნება.

„ვფიქრობ, ფერნანდოს იმაზე მეტი რბოლა უნდა მოეგო, ვიდრე აქამდ შეძლო. ჩემი აზრით, მან გაცილებით მეტი დაიმსახურა. ძალნ გამიხარდბა, თუ ის 33-ე გამარჯვებას მოიპოვებს. უფრო მეტიც, მოხარული ვიქნები, თუ მეტსაც შეძლებს. მოკლედ, ამას მომდევნო რბოლებში ვნახავთ“, - ამბობს ფერსტაპენი.

ესპანეთში სოციალურ მედიაში ახალი კამპანია (მისია 33) გაჩაღდა, რომლის ფარგლებშიც, ცნობილი ესპანელი ათლეტები, ალონსოს ამხნევებენ და მისგან 33-ე გამარჯვების მოლოდინში არიან.

„ნამდვილი სიგიჟეა, როცა ხედავ, რომ ამდენი ესპანელი ასეთ ენთუზიაზმს ავლენს ფორმულა 1-სადმი. სასიამოვნოა, როცა ასეთ მხარდაჭერას გრძნობ. ვფიქრობ, მათ ამ ორი რბოლით ისიამოვნეს. ეს 33, არ ვიცი... მთელი ეს გეგმები, „ელ პლანი“ სამი წლის წინთ და ახლა „33“. ფეხბურთის გუნდები, ფეხბურთელები, ჩოგბურთელები და სხვა სპორტების ათლეტები, 33-ს რაღაცას უკავშირებენ. იმედი მაქვს, ამ რიცხვს მივაღწევთ და შემდეგ 34-ის ჯერიც დადგება“, - ამბობს ალონსო.

ალონსო ამბობს, რომ თუ ფერსტაპენი მომავალ სეზონშიც 1-ლი ნომრით იასპარეზებს (ანუ ჩემპიონი გახდება), მაშინ თავად მანქანის 33 ნომერს აირჩევს. ეს კი ის ნომერია, რომლითაც ფერსტაპენი თავისი პირველი ტიტულის მოპოვებამდე ასპარეზობდა...

სარეკლამო ადგილი - 23
250 x 500
სარეკლამო ადგილი - 14
120 x 600
0.114282