ფეხბურთი

12:15 | 28.03.2023 | ნანახია [] - ჯერ

მამარდაშვილი: "ევროპის ჩემპიონატზე გასვლა ჩვენი მიზანია და დროა ეს ნაბიჯი გადავდგათ"

საქართველოს ნაკრების მეკარე გიორგი მამარდაშვილმა ფეხბურთის ფედერაციის პრესსამსახურთან ნორვეგიის ნაკრებთან მატჩის წინ ისაუბრა. როგორც მან თქვა, შეუძლიათ და უკვე დროც არის ევროპის ჩემპიონატზე გასასვლელად.

„წინ ძალიან მნიშვნელოვანი თამაშია, რადგან ვიცით, რომ ესპანეთი ძალიან ძლიერია, მეორე ადგილისთვის ბრძოლა იქნება. ვფიქრობ, მარტივად დასამარცხებელი გუნდი არ ვიქნებით, მათ შორის, არც ესპანეთისთვის. შეგვიძლია ბევრი თამაშის მოგება და ევროპის ჩემპიონატზე გასვლა, რაც ჩვენი მიზანი და ოცნებაა. ჩემი აზრით, უკვე დროა, რომ ევროპის ჩემპიონატზე გავიდეთ.

პირველ რიგში ბევრი შრომაა საჭირო, შემდეგ მწვრთნელი, როგორ გენდობა, ესეც მნიშვნელოვანია, რადგან მწვრთნელს შეუძლია აგაშენოს და ასევე, დაგანგრიოს. ესპანეთში რომ ჩავედი, ენა არ ვიცოდი, თამაში არ მიწევდა. 6 მატჩი რმ ვითამაშე და მერე სკამზე დამსვეს, მეკარეების მწვრთნელმა მითხრა, რომ არ უნდა გაჩერდე, შრომა გააგრძელეო, რადგან არასდროს იცი შანსი როდის მოგეცემა. სწორედ ამ საუბრიდან 1 თვეში დავიწყე თამაში. ის ადამიანი ძალიან დამეხმარა, რომ არა ის, შეიძლება ვერ მეთამაშა.

ეროვნულ ნაკრებში სულ სხვა წნეხია თამაში, ჩრდილოეთ მაკედონიასთან ფსიქოლოგიურად რთული იყო ჩემთვის თამაში, მაგრამ გადავლახე და ბოლოს დიდი ემოცია იყო, რომ კარგად ვითამაშე და მოვიგეთ.

როგორც ხალხს ეიმედება, ისე გვეიმედება ჩვენც საკუთარი თავის. მინდა ხალხს მოვუწოდო, რომ მოვიდნენ სტადიონზე და ერთად გავიმარჯვოთ“, - თქვა მამარდაშვილმა.

შეგახსენებთ, რომ საქართველოსა და ნორვეგიის ნაკრებთა მატჩი დღეს 20:00 საათზე გაიმართება.

სარეკლამო ადგილი - 23
250 x 500
სარეკლამო ადგილი - 14
120 x 600
0.263181