ევრო 2024-ის საკვალიფიკაციო ეტაპზე ნიდერლანდების ნაკრები საფრანგეთთან დიდი ანგარიშით დამარცხდა და საკმაოდ უღიმღამო მატჩიც ჩაატარა. შეხვედრის შემდგომ რონალდ კუმანმა კომენტარი გააკეთა:



„შანსი არ გვქონია. მე-8 წუთისთვის უკვე 0:2-ს ვაგებდით. ასეთ გუნდთან თამაშისთვის კარგად უნდა მოემზადო. ამ მატჩში ძალიან ცოტა ვაჩვენეთ. ასეთ სხვაობას არ ველოდი. ეს ის გუნდი არაა, რომელიც გონებაში მყავდა, თუმცა გარემოებები თქვენც კარგად იცით.

არ მინდა ჩვენი ცუდი თამაში რამით გავამართლო. მეტად აგრესიულები უნდა ვყოფილიყავით და ნაკლები შეცდომები დაგვეშვა. პირველი და მეოთხე გოლი ჩვენი შეცდომების გამო გავიდა. თუმცა ისიც უნდა ვთქვა, რომ საფრანგეთი ძალიან ძლიერი გუნდია“ - განაცხადა კუმანმა.

შეგახსენებთ, რომ რონალდ კუმანის ხელმძღვანელობით ნიდერლანდების ნაკრები ევრო 2024-ის საკვალიფიკაციო ეტაპის პირველ მატჩში საფრანგეთთან 4:0 დამარცხდა. მომდევნო მატჩს ნიდერლანდები ძალიან სუსტ გიბრალტარის ნაკრებთან ჩაატარებს.