„თელავის“ მთავარ მწვრთნელად სომხეთის ნაკრების ყოფილი ფეხბურთელი და მწვრთნელი ვარდარ მინასიანი დაინიშნა. ინფორმაცია ოფიციალურად დადასტურდა.

მინასიანი ბოლოს ყაზახურ „თარაზს“ წვრთნიდა, მანამდე კი „არარატ-არმენიას“, „პიუნიკის“, „ტობოლის“ და სომხეთის ნაკრების თავკაცი იყო. მისი ხელმძღვანელობით სომხეთის ნაკრებმა მსოფლიოს 2014 წლის ჩემპიონატის შესარჩევ ციკლში მესამე ადგილი დაიკავა, სტუმრად 4:0 გაანადგურა დანიის ნაკრები, ხოლო იტალიასთან არ წააგო (2:2).

აქვე გეტყვით იმასაც, რომ ვარდან მინასიანს თანაშემწეებად ორი თანამემამულე ჩამოჰყვა - არტაკ მოვსესიანი პირველი ასისტენტი იქნება, არტურ მკრტიჩიანი კი ფიზმომზადების მწვრთნელად იმუშავებს.

„თელავი“ ეროვნულ ლიგაში 5 ტურის შემდეგ 5 ქულით მეშვიდე ადგილზეა. მინასიანმა გია ცეცაძე შეცვალა.