საფეხბურთო კლუბმა „თელავმა“ ოფიციალურად დაადასტურა, რომ ურთიერთშეთანხმების საფუძველზე მთავარ მწვრთნელს, გიორგი ცეცაძეს დაემშვიდობა.



ცეცაძემ „თელავის“ მთავარი მწვრთნელის პოსტზე გასულ ზაფხულს გიორგი ჭელიძე შეცვალა. მიმდინარე სეზონში აღმოსავლეთის გუნდს 5 ტურის შემდგომ 5 ქულა აქვს და მე-7 პოზიციაზე იმყოფება. წინა გათამაშება გუნდმა სწორედ ამ პოზიციაზე დაასრულა.

თავად ცეცაძეს რაც შეეხება, ის სხვადასხვა დროს „სამტრედიას“, „ტორპედოს“ და უკრაინულ „ლვოვს“ წვრთნიდა. იგი ასევე მუშაობდა საქართველოს 19-წლამდელთა ნაკრების მთავარ მწვრთნელადაც, რომელიც ევროპის ჩემპიონატზე გავიდა. 2017-19 წლებში სპეციალისტი 21-წლამდელთა ნაკრებს წვრთნიდა, უფრო ადრე, 2015 წელს კი ის ეროვნულ ნაკრებში კახა ცხადაძის ასისტენტი იყო.

კლუბის განცხადებით, ახალ მწვრთნელთან მოლაპარაკებები დასკვნით ფაზაშია და მისი ვინაობა სულ მალე გახდება ცნობილი.